كود سبور//

غادي يتسلم فريق حنسية أكادير الحافلة الجديدة ديال الفرقة من رئيس الحكومة عزيز أخنوش واللي فنفس الوقت هو عمدة أكادير، وهادشي من بعد أشهر من الانتظار.

وغادي يتم تقديم الكار الجديد لمكونات حسنية أكادير غدا الجمعة مع 10 الصباح، قدام القصر البلدي بمدينة أكادير، بهدف توفير الراحة للفريق فالتنقلات والرحلات ديالو.

وكان حسنية أكادير كشف فوقت سابق أن الفريق غادي يتوفر على حافلة من الطراز الرفيع وبمواصفات عالمية فهاد الأسبوع بعد استكمال الإجراءات الإدارية، مع العلم أن عزيز أخنوش بالصفة ديالو عمدة أكادير عندو دور كبير فاقتناء الكار للفرقة.