عن افريكا انتليجانس////

قال موقع Africa Intelligence فالتقرير ديالو ، بلي عبد الولي علي الهمة، الولد الوحيد ديال المستشار الملكي فؤاد علي الهمة، غادي يحتافل بالزواج ديالو فالأيام الجاية مع شادين دغمي، اللي غادي يتقام بمدينة الرباط.

وحسب نفس المصدر، العروسة كتنتمي لعائلة معروفة فالرباط، حيث أن الأب ديالها منير دغمي طبيب أسنان معروف، وكيتردد بزاف على نادي Royal Golf Dar Es Salam، اللي كيجمع شخصيات معروفة، ومن بينهم الأمير مولاي رشيد، اللي كيلعب معاه بالنادي من حين لآخر.

العرس غادي يكون مقسم على مرحلتين : الأولى نهار 16 أبريل مع عائلة العروسة، والثانية نهار 18 أبريل، فين وفؤاد علي الهمة هو اللي غادي يستقبل فيها الضيوف .

وفي هاد الصدد ، عطا تقرير Africa intelligence معلومات على شادين دغمي لكتبلغ 25 سنة ، لي بدات المسار المهني ديالها فـ فبراير 2025 في الفرع الخاص بمجموعة المكتب الشريف للفوسفاط، وتشغل منصب محللة فالشؤون العامة، وحتى الأخت الكبيرة، ماي دغمي، كتشتغل معها فـ نفس الشركة ولكن فمجال الاستراتيجية الإقليمية فكازا.

وقبل التحاقها بالمجموعة التي يديرها مصطفى التراب، خضعت شادين دغمي لتدريب دام خمسة أشهر لدى شركة متخصصة في تنظيم الفعاليات، مملوكة لرجل الأعمال ريتشارد أتياس.

وعلى غرار خطيبها، اللي كيخدم دابا فصندوق استثماري بريطاني سميتو 54 Capital، حتى شادين دغمي قرات فليسي ديكارت فالرباط، وخذات شهادة الباكالوريا ديالها سنة 2019، ومن بعد مشات لكندا وقرات فـ HEC مونريال.
وفـ 2023، ومن بعد سنوات قليلة على نفس المسار اللي داز منه خطيبها، حتى هي التحقت بمدرسة IE Business School فمدريد.