كود سبور//

شد فريق ريفرز يونايتد النيجيري خصم الوداد الرياضي فدوري أبطال إفريقيا للمغرب الطيارة للمغرب اليوم الخميس، وذلك إستعدادا لمواجهة بطل إفريقيا فماتش روتور ديال دور 32 من المسابقة.

ومن المنتظر يوصل ريفرز يونايتد النيجيري على متن رحلة جوية من نيجريا إلى مطار محمد الخامس فكازا، ظهر اليوم الخميس، وينتقل بعدها لفندق اقمتو ومن بعدها يبدا يستعد للماتش، فالوقت اللي كيحرس فيه ممثل كرة المغربية على توفير كل ما يحتاجه الفريق النيجري من سبل للراحة فالمغرب.

فريق ريفرز النيجيري رباح الوداد الرياضي فماتش الألي فنيجريا بهدفين مقابل هدف واحد، عندو رغبة يدير مفاجأة هنا فكازا فماتش روتور الأحد الجاي، ولو أن المكونات ديالو كيعيشو ضغط كبير حيث خايفين من الوداد فتيرانو وجمهور الحمرا اللي كيكون صعيب فدونور، وبالمقابل فبطل إفريقيا خاصو يبرح على الأقل بواحد لزيرو باش يتأهل لدور ليكروب.