كود القاهرة ///

أجرى المنتخب الوطني المغربي لكرة القدم، مساء اليوم الأربعاء، حصته التدريبية الأولى بعد تأهله لدور الثمن.

مدرب الاسود ايرفي رونار كان خلى اللعابة يرتاحو البارح، بعد تأهل المنتخب متصدرا المجموعة الرابعة ب9 نقاط.

هادي هي اول حصة تدريبية باش يوجدو لماتش الثمن ضد منتخب البنين الجمعة الجاية.

اول واحد وصل للتدريب كان الطاقم التقني على رأسهم الناخب الوطني ايرفي رونار. الجو مزيان. الامور باينة كلشي هي هاديك بملعب “حرس الحدود” بالقاهرة.

اللعابة حضرو للتداريب تقريبا كاملين حتى بوطيب كاين. متحمسين ومعنوياتهم عالية، ولكن لي شافت “كود” في عين المكان هو غياب أشرف حكيمي عن التداريب مع الزملاء ديالو وإخضاعه لتداريب خاصة.

أما بخصوص كريم الاحمدي دخل الى الحصة التدريبية مع الزملاء ديالو ولكن بسبرديلة عادية ماشي بالكوداص ديال الكورة، وهادشي كيعني انه مزال كيعاني من الاصابة لهذا خلاه رونار يدوز تدريبات مخففة.