الرئيسية > آش واقع > ها كيفاش غادي تشكل حكومة أخنوش وسيناريوهات الهيكلة
22/09/2021 12:30 آش واقع

ها كيفاش غادي تشكل حكومة أخنوش وسيناريوهات الهيكلة

ها كيفاش غادي تشكل حكومة أخنوش وسيناريوهات الهيكلة

كود الرباط//

كشفت مصادر “گود” أن التحالف الحكومي الجديد المكون من حزب التجمع الوطني للاحرار والاستقلال والبام، دخلو فمفاوضات على البرنامج الحكومي كمرحلة اولى، قبل مايدوزو الحقائب الوزارية.

واوضحت مصادر “گود” ان البرنامح الحكومي غايكون اساس تكوين الهيكلة، وهاد البرنامج غايكون اما لسنة واحدة، باش يجربوه، ولا يديرىه نصف الولاية (عامين ونص)، او برنامج للولاية الحكومية كاملة.


المرحلة الثانية، غاتكون ديال الهيكلة الحكومية، وكيفاش يديرو للتقسيم ديال الوزارات، واش يديرو اقطاب يتجمعو فيها قطاعات حكومية (فحال القطب الاجتماعي) ولا يبقاو على نفس التشكيلة.

كاينين قادة احزاب كدافع على الاقطاب، وتجميع قطاعات حكومية في قطب واحد. باش يكون تنسيق والالتقائية.


هاد الهيكلة غادي تناقش بين الامناء العامين للاحزاب المتحالفة، بحيث غايجب اخنوش تصور لهاد الهيكلة.

حسب مصدر مقرب من امين عام حزب سياسي مشارك فالمفاوضات، فإن هاد الهيكلة غادي تستحضر تجارب دولية لحكومات ناجحة في تدبير الملفات الاجتماعية.

من بعد غاتجي مرحلة توزيع الحقائب الوزارية. مرحلة صعيبة، كتكون فيها الحرب وسط الاحزاب.

دبا لحدود كتابة الاسطر، لا تزال المفاوضات بين اخنوش وبركة ووهبي، فمقر التجمع، مستمرة.

موضوعات أخرى

28/10/2021 06:00

البرتغال حتى هي حاطة عينيها على الطاقة المتجددة ديال المغرب باش متبقاش معتمدة على الجزائر وروسيا وها اش قال رئيس الوزراء البرتغالي