الرئيسية > تبركيك > ها كيفاش دوزو إيفانكا ترامب وراجلها جاريد كوشنير نهارهم فنواحي مراكش
05/07/2022 10:00 تبركيك

ها كيفاش دوزو إيفانكا ترامب وراجلها جاريد كوشنير نهارهم فنواحي مراكش

ها كيفاش دوزو إيفانكا ترامب وراجلها جاريد كوشنير نهارهم فنواحي مراكش

عبد الرحمان البصري – كود//

إيفانكا ترامب، بنت الرئيس الأمريكي السابق دونالد ترامب، وراجلها اللي كان كبير المستشارين ديال بّاها، جاريد كوشنير، دوزو نهار زوين فإقليم الحوز، نواحي مراكش، البارح الاثنين 4 يوليوز الجاري.

البرنامج ديالهم بدا البارح فالصباح بكري. مع الـ 8 الصباح تقريبا جاو من مراكش لمركز جماعة إمليل بقلب الأطلس الكبير. ولقاو في استقبالهم فرقة فلكلورية شعبية أمازيغية. وبدات الأنشطة الاجتماعية ديالهم بزيارة لإحدى التعاونيات النسائية.

الرياضة كانت حاضرة بقوة فبرنامجهم. حيت تمشاو على رجليهم من إمليل حتى لقصبة توبقال. وتما شربو أتاي وعاود كملو رياضة المشي إلى شلالات إمليل.

وبعد الزوال، رجعو مشيا على الأقدام، مرة أخرى، حتى لقصبة تمضوت، ديال الملياردير الإنجليزي ريتشارد برانسون، وتما تغداو ورجعو لمراكش.

موضوعات أخرى