كود سبور//

يوسف لخديم٬ 18 عام لعاب واعد فريال مدريد. شاب كوايري وغادي يكون عندو مستقبل. لخديم شفناه ليلة 12 يونيو 2023 فمركب مولاي عبد الله مع عائلتو. كلشي جا يتفرج فماتش المغرب والرأس الاخضر الودي.

طبعا هاد الماتش غير محطة دارت لهاد اللعاب ولامثالو.

لخديم جا للمغرب هادي كثر من سيمانا. دوز ايام فطنجة والرباط ومراكش. تحويصة فاعلة تاركة. عرضة لجواد دارت ليه ولعائلتو.

المنتخب المغربي لكرة القدم كيجيبو ليه لعابة وكيقلبو يلبسو التوني بفضل سياسة ذكية. المغرب كيعرض على نجوم محتملين. كتكون بحال عراضة لخديم مزيانة بزاف. طبعا باش تجي عائلة اللعاب معاه كلشي كيكون فرحان. ديك الصور ديال الامهات فالمونديال القطري غادية تبقى تاريخية. تزيد عليها استقبال الملك محمد السادس للاعبين وماواتهم فقاعة العرش بالقصر الملكي بالرباط ودوروهم من نفس المسار اللي كيدورو فيها كبار ضيوف المغرب٬ هاد الشي كولو كيخلي امثال لخديم يختارو بسرعة التوني ديال المغرب