كود سبور//

خلقت صورة اللاعبين الاسباني من أصول مغربية ونجم البارصا لامين جمال فاش كان صغير مع الأسطورة البارصا السابق الأرجنتيني ليونيل ميسي البوز فالصبليون والعالم.

وحسب وسائل إعلام إسبانية فالصورة ديال ليونيل ميسي مع لامين جمال وهو صغير كيعوم، كانت فواحد الحفل خيري نظموه البارصا فعام 2008، وما بين الحاضرين كان لامين يامال والأم ديالو وفهذاك الوقت يامال كان عندو عام واحد فالعمر ديالو.

ودابا ومن بعد ما دازت تقريبا 16 عام، صبح لامين جمال واحد من نجوم البارصا وهو ليونيل ميسي من خرجين أكاديمية لاماسيا ديال النادي، ومعولين عليه باش يقود الفريق نحو تحقيق ألقاب اخرى، ودابا يامال لاعب دومي فينال كاس اوروبا2024، وليونيل ميسي رابح كاس العالم وكوبا امريكا و3 دوري ابطال اوروبا و7 المرات خدا الكرة الذهبية.