كود سبور//

غايلعبو الجيش الملكي منافسات دوري أبطال إفريقيا، بعيد شويا على المعقل ديالهم الرباط وسلا والقنيطرة، بسبب الأشغال اللي كاتعرفها الملاعب تما وعلى راسها تيران مولاي عبد الله اللي كايتصلح استعدادا لكاس إفريقيا 2025 ومونديال2030.

وكشفت مصادر مطلعة لـ “گود”، أن نادي الجيش الملكي غايستقبل الخصوم ديالو فدور المجموعات من دوري أبطال إفريقيا فتيران العبدي بمدينة الجديدة، مع العلم أن تيران وجدة حتى هو كان مرشح لاستضافة ماتشات الفريق.

للإشارة فالجيش الملكي جاو مع الرجاء الرياضي فالگروب 2 من دوري أبطال إفريقيا، ومعهم ماميلودي صن داونز الجنوب إفريقي، وفريق مانيما يونيو من الكونگو الديمقراطية.