الرئيسية > آش واقع > ها فوقاش محاكمة الدراري اللي “شحطو رمضان” ف”ستارباكَس”
01/05/2021 15:20 آش واقع

ها فوقاش محاكمة الدراري اللي “شحطو رمضان” ف”ستارباكَس”

ها فوقاش محاكمة الدراري اللي “شحطو رمضان” ف”ستارباكَس”

عفراء علوي محمدي- كود//

عرفات “كود” من مصدر مطلع على ملف الشباب، اللي شحطو رمضان ف”ستارباكس” فكازا، أن المحكمة الابتدائية حددات تاريخ أول جلسة لمحاكمتهم.

وغيتحاكمو الشباب، اللي جميعهم متابعين فحالة سراح بتهمة “الإفطار العلني”، حتى غيخرج رمضان، وتحديدا نهار 28 ماي.

ومصادر “كَود”كشفات أن المتابعين كلهم راشدين من الجنسين، منهم ناس كبار وكذلك طلبة عاد كيقراو فلافاك.

وهذي ثلث ايام، البوليس قرقبو، على 10 ديال الناس او اكثر بقليل، كانو كياكلو ف”ستارباكَس زينيث” فسيدي معروف فكازا، قبل ما يستمعو لاقوالهم ويطلقوهم فالحين، مع المتابعة فحالة سراح.

موضوعات أخرى

07/05/2021 22:00

رمضان وكونفينمون (الحلقة 23).. ياسين أحجام فحوار مع “كود”: أعمال رمضان فيها المزيان والناقص.. وإغلاق المسرح حاجة مؤسفة