كود سبور//

غايغيب على الوداد الرياضي ضد شباب السوالم اليوم الاحد فتيران البشير فالمحمدية، برسم سدس عشر نهائي كأس العرش 2 لاعبين مهمين بالنسبة للفريق الأحمر، واحد مدافع والآخر مهاجم.

وكيتعلق الأمر بكل من محمد أوناجم اللي عندو إصابة غتخليه ما يكونش حاضر مع الوداد الرياضي ضد شباب السوالم وأمين بوالفتح اللي مضروب فالكتف ديالو واللي كيخضع للعلاج والراحة، وبالمقابل فصفوف الفريق غاتعرف عودة الكابيتان يحيى جبران اللي كان موعت وغاب على آخر ماتش الواك ضد يوسفية برشيد.

وغايدخلو الوداد الرياضي اليوم ضد شباب السوالم، وعينيهم على الرباح والتأهل إلى ثمن نهائي كاس العرش، حيث باغيين يربحو هاد المسابقة باش يعوضو الإقصاء من دوري أبطال إفريقيا والخروج بكري من لاكورس على البطولة الاحترافية.