كود سبور//

كتعرف لائحة الرجاء الرياضي اللي مشات لمالي باش تلعب ضد فريق حوريا كوناكري الغيني، فعصبة أبطال إفريقيا غياب 4 ديال اللاعبين عن المواجهة.

وكيتعلق الأمر بكل من زكرياء الوردي اللي ما ماكونفوكيش يلعب عصبة أبطال إفريقيا مع الرجاء، ومحمد بولكسوت والحسين رحيمي ومحمد مكعازي بسبب الإصابات.

بعثة الرجاء الرياضي وصلات فالساعات الأولى من صباح اليوم الاثنين إلى مالي، وغاتبدا توجد للماتش ديال غد الثلاثاء بإجراء حصة تدريبية اخيرة اليوم فالعشية.

وكيتلعب ماتش الرجاء الرياضي وحوريا كوناكري الغيني استثناء بمالي، حيث الفريق الغيني ما عندوش تيران كيحترم دفتر تحملات الاتحاد الإفريقي لكرة القدم.