كود سبور//

ما خداوش 2 لاعبين من المنتخب الوطني المغربي الأولمبي بالميداليات بحالهم بحال باقي لاعبين المنتخب المتوج بالميدالية البرونزية فأولمبياد باريس.

وخلال حفل تسليم الميداليات على لاعبين المنتخبات المتوجة في منافسات كرة القدم في أولمبياد باريس، خداو 20 لاعب من المنتخب المغربي الميداليات البرونزية، ولكن رضا أصماما ومهدي موباريك ما خداوش بالرغم من أنهم طلعو مع اللاعبين البوديوم.

واستثني اللاعبان من تسلم الميدالية البرونزية، حيث ما تكونفوكاو فحتى شي ماتش من الماتشات اللي لعب المنتخب الوطني المغربي فأولمبياد باريس، بالرغم من أنهم بجوج كانو فلاليست الاحتياطية تحسبا لإصابة أحد اللاعبين، مع العلم أن لاليست الرسمية ديال المنتخبات كاتكون مكونة من 18 لاعب + 4 لاعبين احتياطيين كايستعملهم المدرب فالوقت اللي كايكون محتاجهم، وفحالة أصماما وموباريك ما اعتمدتش عليهم المدرب طارق السكتيوي فحتى لائحة ديال الشي ماتش.