كود كازا ///

فضايح “دوزيم” هاد ليام كثارت. كلها عندها علاقة بالمديرة المالية للقناة المدعوة خديجة بوجنوي اللي كانت بكات على لعرايشي فيصل الرئيس المدير العام للشركة الوطنية للاذاعة والتلفزيون باش تبقى فبلاصتها وكدور على الخارجية حتى هي بغات تعين سفيرة باش تخرج على لبلاد.

فسيمانا وحدة وقعو جوج احداث كتضرب صورة القناة ووقفات الخدمة. السيرڤر ديال موقع القناة ما تخلصش عا تا لقاو اللي خدامين فيه ريوسهم بلا خدمة. البارح كانت فضيحة اخرى كشفها صحافي من القناة ل”كود”. “جينا نخدمو لقينا اشتراك القناة فوكالة المغرب العربي للانباء موقف. تصور ما تخلصش انخراط الوكالة الرسمية للبلاد. باش نخدمو” يشرح مصدر “كود”.

طبعا كل واحد حاول يتصرف. حاول يدبر على لخبارات فظل هاد الوضعية غير المسبوقة.

دابا هاد الشي وقع والسيدة المديرة المالية يالله نظمات حفل تافه هادي ايام عطات جوائز لصحاباتها وخسرات عليه فلوس كثر بزاف من قيمة الاشتراك السنوي لوكالة المغرب العربي للانباء وثمن عام ديال ليبيرجومون ديال السيرڤر ديال موقع القناة