كود سبور//

تراجع المنتخب الوطني المغربي برتبة واحدة فالتصنيف الشهري الجديد ديال الاتحاد الدولي لكرة القدم، الخاص بشهر نونبر2024.

ورجع المنتخب الوطني المغربي من المركز 13 فالتصنيف الشهري ديال أكتوبر الماضي، إلى المركز 14 فالتصنيف الجديد الصادر اليوم الخميس 28 نونبر بـ1688.18 نقطة.

وبقى المنتخب الوطني المغربي متصدر للترتيب الأفريقي والعربي، ولكن التراجع ديالو واخا غير بمركز واحد، راه كايبين أن الرباح اللي حققو قبل ايام على الگابون بـ5 لواحد وعلى ليسوتو بـ7 لزيرو، ضمن إقصائيات كاس إفريقيا 2025، هو رباح على منتخبات متواضعة وماشي معيار.