كود – iflscience //

من بعد سنوات من التقلاب والدراسة، العلماء أخيراً فهمو علاش بعض الناس اللي خداو لقاحات كوفيد-19 اللي فيها فيروس ”غدي“، بحال أسترازينيكا وجونسون آند جونسون، جاتهم جلطات فالدم غابرة  مع نقص فالصفائح الدموية، هاد الظاهرة، اللي سميّوها VITT، كانت محيّرة بزاف الاطبا فالاول ، حيث ما كانوش فاهمين شنو السبب وشنو كيدير الجسم باش يسبّب هاد النوع من المضاعفات.

اللقاحات اللي فيها فيروس “غدي“ كتستعمل فيروس ما كيضرّش الإنسان باش يهز جزء من فيروس كورونا للجسم، وبهذا الطريقة كيعلّم جهاز المناعة كيفاش يحمي الجسم،هاد التقنية كانت معروفة من قبل، وهادشي خلا التطوير ديال اللقاحات بسرعة كبيرة، وفعّال بزاف، وساهم فحماية الناس وتخفيف الضغط على المستشفيات، خصوصاً فالموجات الأولى للجائحة.

المشكل كيوقع حيث جسم بعض الناس كيغلط ما بين واحد البروتين ديال الفيروس وبروتين بشري اسميتو PF4، وكيصايب أجسام مضادة كتسبّب الجلطات الباحثين لقاو بلي هاد الشي مرتبط بعوامل وراثية عند بعض الناس، يعني ماشي أي واحد يقدر يمرض بهاد الطريقة، غير ناس محدّدين اللي عندهم استعداد جيني، وهادشي فسر علاش الحالات قليلة بزاف بالنسبة لملايين الناس اللي خداو اللقاحات.

الدراسة الجديدة ورّات بلي الا تبدل أو تحيد هاد البروتين ديال الفيروس الغدي من الفاكسان، يمكن نتفاداو هاد الخطر نهائياً من هنا لقدام ،هاد الاكتشاف مهم بزاف لأنه كيعطي الأمل فلقاحات أكثر أماناً ويخلي تطوير اللقاحات الجاية مآمن بشكل أكبر.

واش هادشي كيعني ان الناس لي كيحسو بشي اعراض ديال التختر خاصهم يبقاو يمشيو مرة مرة يديرو التحاليل يشوقوه واش واقع ؟ وخا ان الاعراض كتكون قليلة بزاف مقارنة بالملايين اللي خداو اللقاح بلا مشاكل على ماقالت الدراسة.

https://www.iflscience.com/mystery-of-rare-blood-clots-after-covid-vaccines-finally-solved-after-years-long-scientific-quest-82568