الرئيسية > الزين والحداكة > ها علاش كنلبسو الساعة فاليد اليسرى
13/01/2019 03:00 الزين والحداكة

ها علاش كنلبسو الساعة فاليد اليسرى

ها علاش كنلبسو الساعة فاليد اليسرى

أيوب الطنطاوي- كود//

كتعتابر الساعات جزءا من الإكسسوار اليومي اللي كيلبسوه الرجال والعيالات ، لكن الغالبية كيسلبسوها فاليد اليسرى بدون مايعرفو السر وراء ذلك وها علاش.

من خلال تتبع تاريخ ساعات اليد، غادي نلقاو أنه تم إختراعها خلال القرن 15 مع إختراع النابض ، وفعام 1868 اختارع “باتيك فيليب” ساعة محمولة واللي كان القصد منها تكون بحال المجوهرات لي كيلبسو العيالات، وماكنوش الرجال فهاذ الوقت كيلبسوها ، لكن فعام 1904 طلب طيار من “لويس كارتييه” صانع ساعات المشهور ، بأنو يصمم ليه ساعة يقدر يستعملها فالرحلات الجوية ديالو ، واخترع ساعة “سانتوس” اللي هي أول ساعة يد للرجال ، ورجعات شعبية بزاف خلال الحرب العالمية الأولى، حيت كتستخدم بسهولة على عكس ساعات الجيب .

وكان من الأفضل أنه يتم تصميمها لليد اليسرى، حيث معظم الناس كيستخدمو اليد  اليمنى و من السهل يتحمل السلاح بيها، ويشوفو فاليد اليسرى لمعرفة الوقت، وكاين سبب أخر هو فحالة درناها فاليد اليسرى فكنقدرو نحافضو عليها لأطول مدة ، وماغاديش تتعرض للتلف والخراب بسهولة، حيث اليد اليمنى باش كنقومو بأغلب الأعمال .

موضوعات أخرى