الرئيسية > الزين والحداكة > ها علاش خاص تقنين الدعارة وضبط التجاوزات. إيمان عاودات لـ”كود” على ليكسبيريون ديالها: قهاوي كيستغلو جنسيا البنات اللي كيقلبو على خدمة وكيطمعوهوم بالفلوس وأنا تقهرت
05/09/2021 20:00 الزين والحداكة

ها علاش خاص تقنين الدعارة وضبط التجاوزات. إيمان عاودات لـ”كود” على ليكسبيريون ديالها: قهاوي كيستغلو جنسيا البنات اللي كيقلبو على خدمة وكيطمعوهوم بالفلوس وأنا تقهرت

ها علاش خاص تقنين الدعارة وضبط التجاوزات. إيمان عاودات لـ”كود” على ليكسبيريون ديالها: قهاوي كيستغلو جنسيا البنات اللي كيقلبو على خدمة وكيطمعوهوم بالفلوس وأنا تقهرت

كود كازا//

إيمان عايشة عيشة مكرفصة بسباب البطالة، وحيت ماعندهاش إيكسبيريونس أو ديبلومات، هذشي خلاها تدفع فاش ما كان، دارت على القهاوي والبيران باش تخدم سرباية، وتصدمات فاش لقات أن بزاف شرطو عليها تقدم خدمات جنسية للباطرون، وحتى للزبناء.

كتعاود إيمان ل”كود” على حالتها: “كارية بوحدي وواليديا مافحالتهم وفبلاد بعيدة، تطلقت ومابقاوش هازين مسؤوليتي ومابقاوش حامليني نجي نكَلس ليهم، خاصني نهز راسي ونضبر على خدمة ولكن فين؟ الكرا فكازا قهرني ووصلت لمستوى وليت فيه نطلب…”.

وزادت إيمان أنها، بحال الناس، تيرات سيفياتها اللي عندها فيهم إيكسبيريونس صغيرة فالخياطة وفالخدمة فسوبير مارشي، وبدات تدور على القهاوي والريسطورات، وحتى البيران، وجواب المسؤولين إما كيكون الرفض، أو كيبداو يشرطو عليها تلبس لباس معين، وتمشي مع الباطرون او الكليان.

ومؤخرا، إيمان لقات أنونص ف”فيسبوك” للخدمة فقهوة ديال الشيشة موديرن، بصالير مزيان، “فرحت فاش شفت لانونص، وقلت نجرب حضي مع هذ الناس، خصوصا وان الخلصة مزيانة، لكن منين هضرت مع المسؤولة صدماتني، حتى وليت نفكر واش نخدم ونعتق راسي من السعايا ونصبر على هذ الذل كيف ما كان الحال، ولكن مايمكنش ليا ندير حوايج بحال هكذا”، كتقول إيمان بنبرة كلها حسرى وأسف.

وفالسكرين لي رسلات إيمان ل”كود”، مولات لانونص طلبات منها تلبس مزير وسيكسي، وصدرها يكون واقف، وتهضر زوين  مع الكليان وتبتسم لبهن، هذشي كلو قالت عليه إيمان ماشي مشكل، لكن من بعد، شرطات عليها أن السرباية “تكون كتزهى”، فاش سولاتها إيمان لمحات ليها بضرورة ممارسة الجنس مع الباطرون، وفكل مرة غيعطيها 300 درهم من عندو.

موضوعات أخرى

16/09/2021 10:00

صرخة مالك مطاعم كازاوي: واك واك راه كنموتو وياك كورونا تراجعات علاش مازال قاتلينا بالتسعود وفتحو وفرضو الپاس سانيتار