الرئيسية > آش واقع > ها علاش تمنع التنقل.. وزير الصحة: شفنا تزايد الحالات الحرجة والوفيات والحالات لي عندها اعراض بسبب التراخي وهادشي علاش درنا هاد الاجراء الاستباقي
27/07/2020 15:30 آش واقع

ها علاش تمنع التنقل.. وزير الصحة: شفنا تزايد الحالات الحرجة والوفيات والحالات لي عندها اعراض بسبب التراخي وهادشي علاش درنا هاد الاجراء الاستباقي

ها علاش تمنع التنقل.. وزير الصحة: شفنا تزايد الحالات الحرجة والوفيات والحالات لي عندها اعراض بسبب التراخي وهادشي علاش درنا هاد الاجراء الاستباقي

كود الرباط//

قال وزير الصحة خالد ايت الطالب، بلي المعطيات لي كاينا اليوم بخصوص الوضعية الوبائية مكانتش عندنا فاش كان عندنا الحجر الصح، حيث أنه في ظرف اسبوع سجلنا اصابات كثر من داكشي لي عرفنا ف 4 اشهر ديال الحجر الصحي.

وبرر وزير الصحة، منع التنقل من والى 8 مدن، بالقول :” من واجبنا نديرو اجراءات استباقية”، مضيفا :”نتفهم ان الجميع غضبان وهادشي جاء فجائي ومعطيناش الاجل ولكن الفيروس مكيعطيش الأجل”.

وتابع :”معندناش خيار الا بالاجراءات الاستباقية ومنعنا التنقل “.

وشدد الوزير بالقول :”وصلنا لمستويات قياسية من خلال ارتفاع معد انتشار الفيروس في عدة مدن”.

وكشف الوزير ان جهة الدار البيضاء في ظرف اسبوعين سجلت 2260 حالة، وان منحى الاصابات جد سريع وخصها سرعة في الاجراء”.

واكد الوزير ان “الحالات لي كاينا الانعاش والحالات الحرجة تزايدت وغاتوقع انتكاسة الى تزادات الاصابات وتتكاثر”.

موضوعات أخرى