كود كازا ////

اشنا هو دور الوكالة الوطنية للسلامة الطرقية “نارسا” واش من مهمة عند مديرها بناصر بولعجول؟ من اسمها هاد الوكالة التابعة لوزارة النقل خدمتها السلامة فطرقنا. فالمدينة. فالعروبية.

هاد المدير فهاد المنصب من 2019 اي كثر من 6 سنين. الحصيلة ديالو كتبين باللي هاد بولعجول غير مبيعنا لعجل.

تصورو السيمانا بين 23 و29 يونيو اللخر تقتلات لكسايد غير فالمدن المغربية 31 مغربي وعطبات 2862 شخص فيهم 120 حالتهم خطيرة.

تصورو يتقتل ليك 31 ويتعطب ليك وحالتو خطيرة 120 مغربي.

فبلاغ الادارة العامة للامن الوطني، حدد اسباب هاد الشي ل”عدم انتباه السائقين” و”عدم احترام حق الأسبقية” و”السرعة المفرطة” و”عدم انتباه الراجلين” و:عدم ترك مسافة الأمان” و”عدم التحكم” و”تغيير الاتجاه بدون إشارة”، وتغيير الاتجاه غير المسموح به، وعدم احترام الوقوف المفروض بعلامة “قف”، والسير في الاتجاه الممنوع، والسير في يسار الطريق، وعدم احترام الوقوف المفروض بضوء التشوير الأحمر، والسياقة في حالة سكر، والتجاوز المعيب.

دابا مسؤولية “نارسا” قائمة. هاد المدير اللي مخلي خدمتو وماشي كيهدر على لبلايك ديال الطونوبيلات اللي كيسافرو لبرا، يعني ما فاهم والو فمهمتو. مدير همو لكبير يبان فالصحافة ويهدرو عليه ويطلق حملات بينات هاد ارقام لكسايد، باللي ما صالحة والو.