الرئيسية > ميديا وثقافة > ها علاش امثال البحري خطار على لبلاد. داير لايڤ لفيديو قديم لسيدنا كيصلي فالعيد الصغير كولو فايك وكثر من هاد الشي ضد گاع اللي بغا القصر يدوزو على التباعد ووو-فيديو
13/05/2021 11:00 ميديا وثقافة

ها علاش امثال البحري خطار على لبلاد. داير لايڤ لفيديو قديم لسيدنا كيصلي فالعيد الصغير كولو فايك وكثر من هاد الشي ضد گاع اللي بغا القصر يدوزو على التباعد ووو-فيديو

ها علاش امثال البحري خطار على لبلاد. داير لايڤ لفيديو قديم لسيدنا كيصلي فالعيد الصغير كولو فايك وكثر من هاد الشي ضد گاع اللي بغا القصر يدوزو على التباعد ووو-فيديو

هناء أبو علي كود كازا /////

سفيان البحري اللي انتاحل صفة ودار صفحة باسم سيدنا واستغلها لمدة قبل ما يحيدوها ليه زاد قودها. هادا اللي عندو شي ركيزة صحيحة كدافع عليه فالمخزن خاصو يتعاقب. يتعاقب البحري واللي داعمو. اليوم دار تصرف برهوشي. خرج لايڤ كيقول باللي سيدنا كيصلي كولو فايك وتدليس.

اييه اللايڤ اللي دار ديال صلاة العيد الصغير ولكن ماشي ديال اليوم. من الصور باينة قبل كورونا. شكون حضر فيه كاين فرق كبير. دابا استغل هاداك اللبس لللي لحد الان مازال ما ترفعش على صفة هاد بنادم ودورو واللي وراه.

هاد البحري كتب باللي حضر فالصلاة “أدى أمير المؤمنين صاحب الجلالة الملك محمد السادس، نصره الله، مرفوقا بصاحب السمو الملكي ولي العهد الأمير مولاي الحسن، وصاحب السمو الملكي الأمير مولاي رشيد، وصاحب السمو الأمير مولاي إسماعيل، يوم الأربعاء، صلاة عيد الفطر بمسجد أهل فاس بالمشور السعيد بالرباط، وتقبل جلالته التهاني بهذه المناسبة السعيدة”.

طبعا الملك صلى ففاس وما كانوش معاه كاع هادوك اللي دكرهم.

اللي متبعو ومصدقو اعتاقد ان هاد الڤيديو جديد. فالتعاليق كتبان. القصر كانت عندو اليوم رسالة واضحة. فيها رئيس الدولة أقام اليوم صلاة العيد بلا خطبة بحالو بحال شعبو باش يحتارم التدابير الوقائية لمواجهة كورونا

المغاربة كولهوم تلفو. داخو. وبداو ف التعليق. هاد فضيحة كبيرة ومشكلة خلقها هاد البحري ف الوقت اللي الملك يدعو إلى احترام التدابير باش بلادنا تخرج من هاد الكارثة اللي صابت العالم كولو. صلاة الملك اليوم كانت في احترام التدابير الوقائية لكن هاد البحري ضرب دبا كولشي ف الزيرو.

بعد التعاليق ديال الناس. ناض هاد البحري دار في عنوان اللايف: “صلاة عيد الفطر بمسجد أهل فاس بالمشور السعيد بالرباط 2019” . باش يصلح الخطأ لكن بزاف بزاف ديال الناس شافو داكشي.

اللعب والتبرهيش وتسمح لامثالو يوظفو مؤسسات الدولة ها فين كيوصل.

موضوعات أخرى

13/06/2021 20:00

“لارام” بدات تنزيل تعليمات الملك بخصوص تسهيل عودة مغاربة الخارج بأثمنة مناسبة.. طلقات عملية استثنائية خصصات ليها 3 ملايين مقعد