كود -infosalus//

شحال هادي كان خاص الراجل يصبر شي أيام بلا ما يقذف ايلا بغا يعطي عيّنة مزيانة فتحليلة الخصوبة، حسب الفكرة لي كاتبة وحتى منظمة الصحة العالمية كانت كتوصي بهادشي .

ولكن دراسة جديدة من جامعة أكسفورد لقات بللي هاد الفكرة ماشي ديما صحيحة ،حيت كتبقول القذف بانتظام (بالسيكس ولا بطرق أخرى) ممكن يعطي حيوانات منوية أحسن وأقل ضرر.

السبب هو أن الحيوانات المنوية إلا بقات مدة طويلة فالجسم كتبدا تضعاف وكيوقع فيها ضرر، خصوصاً فالمادة الوراثية ديالها، وهادشي كيأثر على فرص الحمل.

باختصار، ماشي ضروري تبقى مدة طويلة بلا قذف، وحتى القذف فمدة قريبة (بحال يومين) قبل التحليل ولا التلقيح ممكن يكون مفيد كثر.

الدراسة ما وقفاتش غير على البشر، ولكن قارنت بين بزاف ديال الحيوانات، ولقات نفس النتيجة ،الحيوانات المنوية اللي كتخزّن مدة طويلة كتفقد الجودة ديالها مع الوقت.

الباحثين وضحو بللي الحيوانات المنوية عندها طاقة محدودة بزاف، وكتبدا تستهلكها دغيا، وما عندهاش قدرة كبيرة تصلّح راسها، وهاد الشي هو اللي كيخليها تضعاف إلا بقات مدة طويلة بلا استعمال.

ومن جهة أخرى، لقاو الباحثين  أن بعض الإناث فالحيوانات عندهم طرق خاصة باش يحافظو على الحيوانات المنوية مدة طويلة بعد التلقيح ، بحال إفراز مواد كتعاونها تبقى صالحة، وهاد الفكرة ممكن تفيد فالتلقيح الاصطناعي.

وفالأخير، الدراسة كتشير أن القواعد اللي كيتبعوها دابا فعيادات الخصوبة ممكن تتبدل، حيث النتائج كاتبين بللي القذف فمدة قصيرة (بحال 48 ساعة) قبل التلقيح ولا التحليل ممكن يعطي نتائج أحسن من الانتظار مدة طويلة.