كود سبور//

كان سعيد الناصيري رئيس الوداد الرياضي ذكي ملي فراها مع المدرب السابق للفريق كارلوس كاريدو بالتراضي قبل أسابيع، وصيفطو بحالو بلا نزاع حيث المدرب المذكور باين أن عندو خبرة فالنزاعات ويالاه ربح قضية ضد فريق مصري.

وحكمت لجنة النزاعات بالاتحاد الدولي لكرة القدم “الفيفا”، لمصلحة المدرب الإسباني كارلوس كاريدو فالنزاع ديالو مع فريق الإسماعيلي المصري، وغيخلص الأخير للمدرب مبلغ كتوصل القيمة ديالو لحوالي 62 ألف دولار، كتعويض له على الاخلال بالعقد من طرف الفريق المصري.

للإشارة فآخر تجربة للإسباني كارلوس كاريدو كانت مع الوداد الرياضي، واضطر سعيد الناصيري رئيس النادي أنه يفسخ معه العقد بعدما طالبت مكونات الواك والجماهير ديالو بالانفصال عليه، وبرك معه الناصيري واتفق معه على فسخ العقد بالتراضي وصيفطو بحالو وهو ناشط، باش يجنب الوداد أي نزاع معه.