علي ناجي ـ كود//
سعيد الزايدي برلماني التقدم والاشتراكية اللي دوز عام ديال الحبس فقضية رشوة، ترشح اليوم للمكتب السياسي ديال الحزب، وهو مجرد الترشح ديالو مرفوض وغير أخلاقي.
اللجنة المركزية في دورتها الثانية اللي انعقدات اليوم فالرباط، وصدقات على النظام الداخلي ضيقت بزاف ديال الأمور، واجتهدت فتضمين القانون شي أمور تعاكس روح الديمقراطية، ولكن لم تشر إلى فقدان أصحاب السوابق أهلية الترشح للمكتب السياسي.
هاذ الشي دارو حزب التقدم والاشتراكية كون دارو شي حزب آخر نقولو مقبولة.
ماشي غي الزايدي حتا واحد رئيس جماعة متابع فقضايا خايبة فخريبكة ترشح للمكتب السياسي والسؤال هو مصداقية مؤسسات مخترقة من قبل الفاسدين.
