هناء ابو علي-كود//
ف 2016 كانت تركيا رفعات دعوى ضد المغرب عند منظمة التجارة العالمية بسبب ان المغرب فرض ضريبة و رسوم على واردات من الحديد التركي ،وكانت هاديك الشكاية اول مرة المغرب يدخل ف الصداع من هاد النوع مع دول اخرى..
تركيا قالت ان اجراءات المغرب ماكانتش متوافقة مع بنود اتفاقية التجارية العالمية لمكافحة الاغراق و المغرب كان بغا يحمي صناعة الحديد المحلية وخصوصا شركة ” مغرب ستيل”.
المهم اليوم منظمة التجارة قررات ف حكمها المنشور على موقعها انها ترفض العديد من المقترحات التركية بحال اجبار المغرب على التراجع على القرارات ديالو او وضع خطة مفصلة ليه باش يعوض على الخسارات الخ الخ ، المنظمة قالت انها تقترح فقط على المغرب يتراجع على اللي دار شكلا و يدير الامور وفق الاتفاقيات اللي وقع عليها بالموافقة سابقا بحال اتفاقية الكاط..
