كود سبور//

تفاعل الدولي المغربي ياسين بونو حارس مرمى إشبيلية الإسباني مع الخسارة الكبيرة للفريق ديالو مع بورسيا دورتموند الألماني فدور ليكروب من دوري أبطال أوروبا.

وعبر حارس عرين الأسود على الصمود ديالو فالمرحلة الصعبة اللي كيعيشها مع فريق إشبيلية الصبليوني من بعدما خسروا بنتيجة 4 لبيوت لواحد، مع دوتموند.

ونشر ياسين بونو تدوينة على الحساب ديالو فانستغرام فالساعات الأولى من اليوم الخميس، علق فيها على الخسران وقال: “… الصعوبات اللي كنعيشوها فالحياة فأي ميدان كتخلينا أقوى وأحسن فالمستقبل”.

للإشارة فالخسران ديال إشبيلية لبارح مع بروسيا دورتموند الألماني تسبب فإقالة المدرب ديال الفريق الصبليوني لوبيتيكي، اللي رسلاتو إدارة إشبيلية فحالو، مع العلم أن البيت اللي ماركا الفريق الأندلسي سجلو المغربي يوسف النصيري.

https://www.instagram.com/p/CjWil5Co8-7/?igshid=MGMzMDdjNjc=