الوالي الزاز -گود- العيون ///

[email protected]

أجمع لاعبو المنتخب الوطني المغربي على قوة الأداء اللي دارو فماتش البرازيل على الرغم من التعادل الإيجابي بهدف لمثله، وسعيهم لتقديم المزيد فالماتشات الجايين ضد إسكتلندا وهاييتي.

وقال متوسط الميدان، أيوب بوعدي اللي دار ماتش كبير بزاف، أنه كان بالإمكان الفوز على البرازيل، ولكن واخا هكاك الماتش الأول كان مزيان.

وأضاف أنه دابا خاص اللاعبين يواصلو الخدمة ويديرو مجهود أكبر في الماتشات الجايين.

وزاد دار تغريدة فحسابو الشخصي ديال “إكس” قال فيها: “لنحافظ على هاد الروح، هادي غير البداية”.

أما لاعب الوسط، نائل العيناوي، فأكد أن اللاعبين غادي يكملو الإصرار ديالهم، لأنهم كيلعبو من أجل المغرب، وما كاين حتى حافز أكبر من هذا.

ووضح العيناوي أن اللاعبين متحفزين حتى لو كانو خسرو ماتش البرازيل، مشيدا بالجو العام ديال المنتخب والمجموعة اللي كتعيش أجواء ممتازة والانسجام اللي بين اللاعبين والتفاهم بيناتهم، بالإضافة للوقت الزوين اللي كيدوزوه فلوطيل والتدريبات، والخدمة الكبيرة اللي كيديرو، مختتما بأن التركيز دابا على ماتش أسكتلندا.

وبدورو قال المدافع، رضوان حلحال، اللي ما لعبش الماتش، أن المنتخب المغربي كان عارف أن الماتش ضد البرازيل اللي قوية بزاف غادي يكون معقد، مضيفا أن المنتخب الوطني عندو مبادئو فاللعب وكان باغي يربح الماتش.

وأشار أن الماتش تسالا بالتعادل ولكن اللاعبين غاديين لماتش أسكتلندا باش يربحو، موضحا أن المنتخب يتعامل مع كل ماتش بوحدو، واللاعبين كيحاولو يكونو مركزين باش يجيبو أكبر عدد ديال الانتصارات والماتش الجاي غادي يكون أحسن.

لكننا نتعامل مع كل مباراة على حدة. نحاول أن نكون مركزين مباراة بمباراة من أجل تحقيق أكبر عدد ممكن من الانتصارات. اليوم انتهت المباراة بالتعادل، لكن المباراة القادمة ستكون أفضل، إن شاء الله.”

ومن جانبو قال حارس مرمى المنتخب الوطني، منير الكجوي، أن المنتخب وجّد مزيان للماتش، واللاعبين دارو ماتش صارم وسيريو .

وأفاد الكجوي، المنتخب الوطني دار بداية مزيانة فالبطولة ضد منتخب كبير بحال البرازيل ولاعبين من أحسن اللاعبين فالعالم.

وكشف حارس مرمى المنتخب الوطني أنه خاص اللاعبين يتعلمو من ماتش اليوم، وغادي يكونو حسن مستقبلا ويزيدو يديرو أداء أكبر ماتش مور ماتش.

وقال وسط الميدان بلال الخنوس، أن اللاعبين فرحانين، وأن المغرب يلعب دائما على الرباح، مبرزا أن الماتش كان ضد فريق كبير وعندو لاعبين كبار، ولكن تمكنو ياخدو نقطة وهادشي مهم باش يزيد المنتخب للقدام ويكبرو مع توالي الماتشات فالبطولة.

وتوعد بلال الخنوس بمزيد من العمل باش يكونوا اللاعبين واجدين فالماتش الجاي، مضيفا أن الاستعداد لأسكتلندا غادي يكون بحال التوجاد لأي ماتش، ومازال ما شافوش فيديوات على إسكتلندا اللي غادي يركزو عليها دابا بعدما داز ماتش البرازيل، ويوجدو راسهم باش يكونو فنهارهم ضدها.

وشكر بلال الخنوس الجمهور اللي جا للماتش والإعلام المغربي، متوعدا بمزيد من العمل باش كلشي يكون فرحان.