كود سبور//

علم موقع “كود” من المصادر ديالو شكون هو الشخص اللي نزل للتيران هاز العلم الفلسطيني وسط ماتش لالي ديال فينال كأس الكونفدرالية بين نهضة بركان والزمالك المصري.

ووضحت المصادر، أن الشخص اللي تسبب فتوقيف ماتش لالي ديال فينال كأس الكونفدرالية الإفريقية بين نهضة بركان والزمالك المصري، هو رجل كبير فالعمر يقدر يكون ستيني أو اكثر، وهو من مشجعي نهضة بركان وكان منخرط فالنادي، وهو من المحبين ديال الفريق البرتقالي وبغا يستغل الماتش باش يعبر على التضامن ديالو مع الفلسطينيين.

ونزل الشخص فاللحظات الأخيرة من الماتش بين نهضة بركان والزمالك المصري للتيران البلدي فبركان فاللحظات الأخيرة هاز علم فلسطين قبل ما يتدخل الأمن ويخرجو باعتبارو جسم غريب دخل الملعب خلال المباراة، وتسبب فتوقف الماتش بين الفريقين.