هناء ابو علي-كود//

الحكومة بغات تخوصص اوتيل المامونية اللي  هو  اول اوتيل ف العالم من ناحية الشهرة و الخدمات حسب العديد من  مواقع تصنيف الفنادقو اللي مؤخرا تم تصنيفه احسن فندق ف العالم، القرار داروه باش يعطيو العجز اللي ف الميزانية حسب تصريح الوزير الخلفي.

المامونية مملوك بنسبة 60  بالمائة للمكتب الوطني للسكك الحديدية و  الباقي مقسوم بين  السي دي جي و  المجلس البلدي لمراكش.

حسب متتبعين فان الاوتيل يقدر يتباع ب 3 مليار درهم.

و غير ف 2006 تم تجديده في اشغال استغرقت 3 سنوات و بمبلغ 160 مليون يورو.

القيمة التاريخية ديال هاد الاوتيل لاتقدر بثمن و نجاحه ف عالم الفندقة و السياحة  على المستوى العالمي كايخلينا نتساءلو على  الخلاصات اللي ديما كتعاود على ان الشركات العامة ديال الدولة ديما كتكون مكفسة ف الارباح و التسيير كايكون مرون و ان الخوصصة هي الحل لجميع شركات الدولة باش تخدم مزيان.