الرئيسية > آش واقع > ها شروط السفر فالكيران. وزارة النقل: الركاب غيعطيو سمياتهم وأرقام تيليفوناتهم والسفر بين المنطقة 1 و2 بالرخصة
23/06/2020 21:30 آش واقع

ها شروط السفر فالكيران. وزارة النقل: الركاب غيعطيو سمياتهم وأرقام تيليفوناتهم والسفر بين المنطقة 1 و2 بالرخصة

ها شروط السفر فالكيران. وزارة النقل: الركاب غيعطيو سمياتهم وأرقام تيليفوناتهم والسفر بين المنطقة 1 و2 بالرخصة

عفراء علوي محمدي- كود//

دارت وزارة التجهيز والنقل واللوجيستيك دفاتر تحملات جديدة كيتضمن أهم التدابير اللي خاص صحاب المحطات الطرقية ومقاولات النقل والنقل السياحي يلتزمو بيها، ابتداء من الخميس الجاي فاش غتحل المحطات، وهذشي باش يحدو من انتقال عدوى فيروس كورونا المستجد، فهذ الظرفية اللي كيعرف فيها المغرب الرفع التدريجي ديال حالة الطوارئ الصحية.

وقالت الوزارة، فبلاغ ليها توصلات بيه “كود”، أن هذ الدفاتر فيها مجموعة من الإجراءات الوقائية اللي خاصها تحترم،ويتم مراعاتها بدقة والتقيد بها من طرف الشوافرية وصحاب المحطات والعمال فالمحطات والركاب.

بالنسبة للنقل العمومي للكيران، ماخاصش تفوت طاقتهم الاستعابية 50 فالمية، وفكل رحلة غتسجل أسماء المسافرين وأرقام ليكارط ناسيونال ديالهم وأرقام تيليفوناتهم، ولاليسط ديال المسافرين غادي تكون فثلاث نسخ: وحدة عند مسؤول المحطة ووحدة عند شباك التذاكر ووحدة عند سائق الحافلة، وغيتم الاحتفاظ بها لمدة شهر.

وسفر بين المنطقة 1 و2 غيكون غير بوجود رخصة استثنائية مسلمة من السلطات المحلية لظروف قاهرة، أو بوجود رخصة مهنية.

أما بالنسبة لدفتر التحملات المتعلق بالنقل السياحي، فحتى هو غيتحمل من الموقع دالوزارة، وكياكد على تسجيل أسماء وارقام الهواتف وليكارط ناسيونال ديال السياح، والاحتفاظ بيها حتى لشهر فالأرشيف.

وكيخص يتم تحميل الدفتر من موقع الوزارة، والتأشير على جميع الصفحات، والتوقيع على الصفحة الأخيرة من طرف الممثل القانوني للمقاولة السياحية أو الطرقية بعبارة “قرئ وصودق عليه وألتزم باحترام بنوده”.

موضوعات أخرى

13/07/2020 09:30

كيفاش شركة عقار ماشي مغربية ومولاها كريم البقالي لاح اللي خدامين معاه للضمان الاجتماعي يدير شراكة مع “دوزيم” ويهدر على كازا

13/07/2020 09:00

فضايح حكومة بنعرفة مع الاعلام. فردوس تلاقى مع جمعية فيها باه ورفض يستقبل “الفيدرالية” وبرلمانيون من حزب رئيس الحكومة عوض ما تهاجمو مشات للوزير