گود سبور//

ما كايفكروش الرجاء الرياضي يرجّعو اللاعب ديالهم السابق محسن متولي إلى الفريق، بعدما وصلت الحكاية ديالو مع اتحاد طنجة لنهايتها.

وحسب مصادر مطلعة، فالرجاء الرياضي تطرح عليهم إسم محسن متولي باش يرجع يلعب معهم ابتداء من الميركاتو الشتوي الجاي، ولكن إدارة النادي ما وافقوش وما عندهمش اهتماما بالخدمات ديالو حيث البوسط فين كايلعب عامر حاليا، وهما كايفكرو فـ لاعبين اخرين كايلعبو فـ مراكز أخرى.

وقررت إدارة اتحاد طنجة تبعد مع محسن متولي مول 39 عام، بعدما تفارقو مع مدرب الفريق هلال الطير، واللاعب بروبوزا راسو على الرجاء الرياضي الفريق ديالو الأم اللي حقق معه ألقاب كثيرة، ويعتبر من احسن الأسماء اللي لعبو فـ الخضرا.