الرئيسية > كود-تيفي > ها حقيقة الكسيدة اللي دار سعيد الناصري..الكوميدي خرج يوضح – فيديو
14/10/2020 10:00 كود-تيفي

ها حقيقة الكسيدة اللي دار سعيد الناصري..الكوميدي خرج يوضح – فيديو

ها حقيقة الكسيدة اللي دار سعيد الناصري..الكوميدي خرج يوضح – فيديو

عفراء علوي محمدي- كود//

لبارح راج بشكل كبير على مواقع التواصل الاجتماعي وبعض المواقع الإلكترونية الإخبارية خبر كيقول أن الممثل والكوميدي سعيد الناصيري دار كسيدة خايبة، وهو فحالة حرجة فقءم الإنعاش، وكاين كَاع اللي قال أنه “بين الحياة والموت”.

الناصري خرج يكذب هذ الإشاعات، وقال، ففيديو حطو على قناتو ف”يوتوب” أنه ماعندو حتى شي حاجة، وهذشي مجرد إشاعات وأكاذيب.

وزاد الناصري كيقول: “هذ الناس ماعندهم ما يدار، كَالسين يكذبو على عباد الله ويكذبو على الفنانة، والله يهديهم مايبقاوش يديرو هذشي لأنهم كيخلعو العائلات ديالهم والأصدقاء، وكنتمناهم يبداو يروجو الاخبار المزيانة ماشي الأكاذيب”.

وطلب الناصري من “صحاب المواقع مايبقاوش يتيقو أي حاجة ويحطوها فالمواقع ديالهم من الواتساب، حيت الناس كيشوفو المواقع والجرائد الإلكترونية وكيتيقو”، على حساب كلامو.

وقال انه لبارح كان كالسة فدارو مرتاح، واليوم داز عندو النهار مزيان، كيف شكر كَاع الناس اللي سولو وتهولو عليه.

موضوعات أخرى

21/10/2020 15:00

ها ودني منكم !آ دوك الظلاميين لي عندنا فالمغرب و لي كايديرو الخدمة ديال الحياحة ! و كايضلو يكفرو فالمثقفين و الكتاب و الممثلات و الصحفيين و دوزام! راه فحالكم لي كايتسبب فالكوارث و غدا لاطرا شي عمل ارهابي راكم مسؤولين مباشرين عليه!