كود سبور//

أكدت مصادر ودادية أن الدولي المغربي أيوب العملود باقي مع الوداد الرياضي حتى لدابا، وفحالة مشى من الفريق الأحمر غيمشي يلعب برا المغرب.

ونفى نفس المصدر، داكشي اللي كيروج بأن أيوب العملود الظهير الأيمن للوداد الرياضي قرب ينتقل للرجاء الرياضي، وأن الأخير كيستغل العقد ديالو اللي قريب يسالي مع الواك باش يسني معه، وأكد أن اللاعب وفحالة ما جددش العقد ديالو راه غايمشي يلعب برا المغرب، وما غا يلعبش مع شي فريق مغربي آخر من غير الوداد.

وكيتعتبر أيوب العملود من أحسن اللاعبين ديال البطولة الاحترافية، خلال السنوات اللي فاتت، ومن ركائز الوداد الرياضي.