كود سبور//

بدا المنتخب الوطني المغربي كيوجد فدار السلام لمواجهة تنزانيا الثلاثاء الجاي، ضمن الجولة الثانية من اقصائيات كاس العالم 2026.

ودار المنتخب الوطني المغربي اول حصة تدريبة له فالعاصمة التنزانية دار السلام اليوم السبت، وركز خلالها الناخب الوطني مع الطاقم التقني ديالو على استرجاع لافريشور فيزيك ديال اللاعبين، ودارو لهم تمارين خفيفة باش يحيدو منهم عيا السفر من المغرب لتنزانيا.

الاجواء داخل المنتخب المغربي زوينة بزاف، وكاين تركيز كبير وسط اللاعبين وروح معنوية مرتفعة وباغيين يوجدو مزيان باش يكون جاهزين للماتش نهار الثلاثاء الجاي، ضد منتخب تنزانيا لتحقيق الرباح ويبداو اقصائيات مونديال 2026 مزيان.