الرئيسية > آش واقع > ها توزيع 162 إصابة جديدة بكورونا على الجهات: كازا سجلات 48 وجهة الشمال 42
16/07/2020 15:30 آش واقع

ها توزيع 162 إصابة جديدة بكورونا على الجهات: كازا سجلات 48 وجهة الشمال 42

ها توزيع 162 إصابة جديدة بكورونا على الجهات: كازا سجلات 48 وجهة الشمال 42

عفراء علوي محمدي- كود//

حسب النسبة المئوية اللي عطات وزارة الصحة والمتعلقة بنسبة الإصابات بفيروس كورونا فالجهات هذ الصباح، فاكثر جهة جابت إصابات جديدة هي كازا سطات، بحيث سجلات 48، ووصل مجموع المصابين فيها ل48.

بالنسبة للجهات الأخرى، فطنجة تطوان الحسيمة سجلات 42، ووصل مجموع المصابين فيها ل3273، وجهة مراكش آسفي سجلات 39، ووصل المجموع عندها ل2927، بينما وصلات جهة فاس مكناس ل1922 مصاب بكورونا بعدما سجلات هذ الصباح 12 إصابة.

أما الجهة الشرقية فسجلات 11 إصابة جديدة، وبلغ فيها مجموع المصابين 304، بينما سجلات الرباط سلا القنيطرة 10، ووصلات لمجموع 2096، وجهة الداخلة واد الذهب سجلات 3 إصابات، ووصلات ل25 فالمجموع.

وهذ الأرقام كتبقى مستمدة من النسبة المئوية اللي كاينة فموقع الترصد الوبائي للوزارة، وبالتالي تقدر تكون مادقيقاش، و”كود” غتوافيكم بأعداد الإصابات فالجهات بعدما تعلن جميع المديريات الجهوية عليها.

موضوعات أخرى

15/08/2020 08:00

الدكتورة غزوي لـ”كود”: ها علاش طالعة نسبة الوفيات بـ”كورونا” والتحاليل كدار بزاف ومختبرات القطاع الخاص غادي تخفف الضغط

15/08/2020 07:38

زلزال ماشي غير كروي فبرشلونة. بيكي: خاص كلشي يتبدل وانا اول واحد نمشي فحالي ايلى… ولابورطا كيطالب براس الرئيس والمدرب فهم راسو وها اللي غادي يعوضو