كريم الصوفي – كود//

[email protected]

أصدرت محكمة الاستئناف بتطوان، مؤخرا، أحكام سجنية نافذة على المتورطين ف عمليات تهريب الحشيش من الميناء الترفيهي كابيلا إلى اسبانيا، واللي تفرشو بعد غرق فانطوم محمل ب 600 كيلو ديال الحشيش وسط البحر وتدخل الحرس المدني الاسباني ف غشت 2022.

وتم إصدار الأحكام السجينة البالغة 27 عام،  ضد كل من رجل الأعمال الملقب بـ الهولندي والصبليوني كوبالا و6 ديال المستخدمين بهاذ المركب الترفيهي من بينهم حراس أمن خاص. وتحكم على المتهمين الرئيسين بـ 6 سنين لكل واحد، وحكم على ستة من حراس الأمن بالميناء السياحي بالسجن ثلاث سنوات لكل منهم وعلى صاحب الزورق بـ 3 سنين.

وحسب معلومات سابقة، هاذ القارب السريع خرج من الميناء بدون تفتيش والمهربين طبعو الباسبورات ديالهم ف الميناء في وقت متأخر من الليل وهاذ الشحنة كانت بتوجيه البارون “كوبالا”. وتدخلات أجهزة الديستي والفرقة الوطنية ديال الجدرامية بجهة طنجة تطوان الحسيمة للتحقيق فـ ملابسات الواقعة ومدى ارتباطات هاذ الريزو على المستويين المحلي والدولي.