كود سبور- أكادير//

غايدير المنتخب الكونگولي غير حصة تدريبية واحدة قبل ما يلعب مع المنتخب الوطني المغربي غدا الثلاثاء، ضمن الجولة 4 من إقصائيات مونديال 2025.

وبعدما وصل منتخب الكونگو فالساعات الأولى من صباح اليوم الاثنين إلى مدينة أكادير، غاتكون عندهم حصة تدريبة واحدة قبل الماتش ضد الأسود، ومبرمجة اليوم الاثنين فالعشية فتيران أدرار، وغاتكون معها ندوة صحافية للمدرب ديالهم ازاك نگاطا، ومن وراها مع 6 ونص غاتكون ندوة صحافية للناخب الوطني وليد الركراكي وحصة تدريبة أخيرة للمنتخب المغربي.

وكيعاني منتخب الكونگو برازافيل من مشاكل كبيرة، ما بين اللاعبين والاتحاد الكونگولي لكرة القدم ووزارة الرياضة الكونگولية، وما كانوش غايجيو يلعبو الماتش لولا تدل رئاسة البلاد لحل المشكل، عاد شدو الطيارة البارح الاحد فالعشية إلى المغرب، بالإضافة إلى هذا الشي عندهم غيابات ديال 2 من اللاعبين المهمين.