03/10/2023 21:40
البرلماني البوصيري أمام الفرقة الجهوية للشرطة القضائية بفاس: غادي يسمعو ليه فقضايا فساد والاغتناء الفاحش
كود القاهرة//
غيسالي الوداد الرياضي الاستعدادات ديالو لمواجهة الأهلي المصري فذهاب نهائي عصبة أبطال إفريقيا، بحصة تدريبية اليوم السبت.
وبعدما تدرب فريق الوداد الرياضي الحصة الأولى والثانية اللي كانو الخميس والجمعة فتيران 30 يونيو بالقاهرة، فالحصة التدريبية ديال اليوم غتكون هي الأخير قبل الماتش، وغتجرى بملعب القاهرة الدولي اللي غيتلعب فيه الماتش وغتبدا فالساعة 9 ديال اللليل نفس توقيت المباراة غدا، وقبل الحصة التدريبية ديال الواك كاينة ندوة صحافية قبل المباراة وموعدها مع الثامنة والنصف.
وبالنسبة للأجواء داخل الوداد الرياضي فكلشي اللاعبين ناشطين ومركزين ولكروب د الواك مع المدرب زفين فاندنبروك موتيفين، والأخير غيحسم اليوم فشكون غيلعب الماتش غدا، مع العلم أن إدارة الواك برئاسة سعد الناصيري راه مخلين المدرب البلجيكي على راحتو ومحترامين القرارات ديالو وحتى المسؤولين د نادي مبعدين من اللاعبين فالفندق ديال الفريق.
