كود سبور//
حددت العصبة الاحترافية لكرة القدم برنامج الدور 6 من منافسات البطولة، وغتلعب الجمعة والسبت والاحد من السيمانة الجاية.
ومن بين أهم الماتشات ديال الدورة 6، الماتش ديال الجيش الملكي المتصدر اللي غيلعب السبت الجاي مع 4 ضد اتحاد التواركة، والأخير اللي مستقبل المباراة ومازال ما تحدد التيران اللي غيلعبو فيه.
وكاين ماتش الوداد الرياضي واتحاد طنجة للي غيستقبل الأخير، وحتى هو السبت الجاي مع 8 ونص ديال الليل، ومازال ما تعرف حتى هو فين غيتلعب.
وكذلك ماتش نهضة بركان اللي هو متصدر البطولة وغيدخل يوسفية برشيد فتيران بركان، الاحد الجاي مع 6 وربع ديال الليل.
وختم الدورة 6 غيكون بماتش الرجاء الرياضي ضد المغرب التطواني الاحد الجاي فتيران محمد الخامس بالدار البيضاء، مع 8 ونص ديال الليل.