كود سبور//

تحدد برنامج الدورة 5 من منافسات البطولة الاحترافية لكرة القدم، واللي غيتلعبو الماتشات ديالها ابتداء من السبت الجاي وحتى الخميس ديال السيمانة الجاية.

ومن أبرز ماتشات هاد الدورة، الماتش اللي غيكون فيه الرجاء الرياضي ضيف على فريق حسنية أكادير الاحد الجاي فتيران أدرار فأكادير، ابتداء من الساعة 6 والربع ديال العشية.

والوداد الرياضي غيدخلو فريق نهضة الزمامرة يوم الأربعاء 4 أكتوبر 2023، فتيران مركب محمد الخامس بالدار البيضاء، ابتداء من الساعة 6 والربع ديال العشية، وتم تأخير الماتش حتى لهاد التاريخ حيث الوداد لاعبين عصبة أبطال إفريقيا.

أما القمة ديال الدورة، هي اللي غيدخل فيها الجيش الملكي نهضة بركان وهما بجوج اللي متصدرين البطولة، والماتش غيتلعب يوم الاربعاء 4 أكتوبر 2023، فتيران الباشير فالمحمدية ابتداء من 8 ونص ديال الليل، وتم تأخير الماتش حتى لهاد التاريخ حيث ليفار لاعبين عصبة أبطال أفريقيا، وبركان لاعبين كأس الكاف.