كود – وكالات //

المخرج كريستوفر نولان خرج فـمؤتمر سينماكون بمقطع ترويجي جديد لفيلمو المرتقب “الأوديسة”، اللي مقتبس من ملحمة هوميروس، ولغادي يتعرض فـدور السينما فـ17 يوليوز 2026.

نولان وصف تجربة التصوير بأنها ” واعرة وكتصدم”، وقال بلي حرص باش يصور المشروع بتقنية IMAX، كيف وضح بلي ملحمة هوميروس ماشي غير نص أدبي، ولكن تاريخ إنساني عمرو ثلاثة آلاف عام.

الفيلم عندو طاقم تمثيل كبير، لي منهم مات ديمون فـ دور أوديسيوس، وتشارليز ثيرون، وتوم هولاند، وروبرت باتينسون، وآن هاثاواي، وزيندايا، ولوبيتا نيونغو، وصلات ل  250 مليون دولار، وهادشي خلاه أغلى فيلم فـ مسيرة نولان، اللي ربح أوسكار ديال أحسن مخرج ف “أوبنهايمر”.

أما ملحمة الأوديسة فكتبها الشاعر الإغريقي هوميروس قبل  ثلاثة آلاف عام، وهي لي معا  ملحمة الإلياذة،  لي كتتاود رحلة البطل أوديسيوس من طروادة لدارو،اما الرمزية ديالها  كبيرة بزاف ، حيث كتجسد الصراع الإنساني الأزلي بين الغربة والانتماء، والصبر في وجه المحاين.