وكالات//

نساء قرية يايجيلار فتركيا قررو يدوزو رمضان كامل بلا ما يطيبو فديورهم، حيث كيعتمدو على رجال كيوجدو فطور جماعي لكل السكان طيلة الشهر.

هاد القرية تابعة لمنطقة أرابلي فإقليم يوزغات، ومعروفة بأن السكان ديالها كيتجمعو كاملين كل عام فرمضان باش يفطرو مجموعين فجو تضامني.

حوالي 500 واحد، رجال وعيالات ودراري، كيجلسو مع بعضياتهم فكل نهار، فواحد التقليد اللي كيلقى إعجاب كبير من الجميع.

وفهاد العام، دارو الفطور فقاعة مسدودة بسبب البرد، عوض الخيمة اللي كانو كيعتمدو عليها فالسنين اللي فاتت.