حسني الدكالي – كود سلا//

في ظل هاد ضجة لي واقعة فهاد سيمانة على مول سردين ب 5 دراهم فمراكش وكثر قيل وقال واللغيط ليوم كود صورت فمرصة دسلا سولات رياسه وبياعة وشراية وصحاب الكاشطي واغلبهم كانو كاعيين على بائع سمك دمراكش وتاهموه بالنصب والكدب على المواطنين واستغلال وسائل التواصل الإجتماعي لكسب التعاطف المعنوي والدعم المادي.

صرح بائع سمك لكود بلي هاد الشاب فايت تلاقاه فمارشي دلحوت فكازا وسولو على واش ثمن باش كايبيع مسلكو
جاوبو شاب تيكتوكر: انا رابح فتيكتوك فلوس الحوت كنخلص بيهم غي الكراء والخدامة .
وصرح بائع سمك لكود من بعد ما طلب منو بائع سمك يديرو لايف فتيكتوك باش حتى هو يتشهر بحالو لكن الاخير رفض يدير معاه لايف خاف يفشرو قدام ناس

وكدلك صرح لكود بلي باركوات كايدخلو المرصة السردين ب10دراهم وثمن بيع كيتراوح بين 13درهم و 15درههم فالاسواق
وقال أيضا سريدين ليكبيعو رقيق وماشي سردين كيتكال سميتو “باولو” هو فقط مخصص للعلف وثمن ديالو رخيص مقارنة بسردين لمليح ديال 10درهم فما فوق

وصرح أيضا انا المواطنين مايمشيوش مع الضجة لي داير هاد شاب حيث كلها مغلطات المغاربة طبعهم حنان كايتعاطفو مع أي واحد كينقس ثمن وخا يبيع ليهم خلا دارعشتهم عندهم هنيا مكتهمهمش لا مراقبة دلونسا لا جودة لا والو مهم غي ثمن يكون ديال الدراويش.