كود- وكالات//

الطيحال كيخدم فالدات كغدة ضابطة لمعدلات الكَلوكوز فالدم، وهذشي عن طريق إفراز بعض الأنزيمات اللي كتعاون على الهضم وتنظيم السكر.

وعلى هذشي ذكر أخصائي ديال الغدد الصم، لموقع “ميديكفوريم” الطبي، أن الأطعمة اللي عندها سعرات حرارية مرتفعة ومستويات سكر طالعة، كتخدم على قتل خلايا البنكرياس، الشي اللي كيخليها ضارة للجسم.

وزاد الأخصائي أن خطورة هذ المنتجات على الطيحال مرتبطة بقدرتها على إثارة نمو الأنسجة الدهنية فالدات، بحيث كترتبط هذ الزيادة فكتلة الدهون بتطور الالتهاب الجهازي مع الإجهاد التأكسدي، وكيأثر هذشي على خلايا الطيحال، وكيساهم فحدوث اضطرابات فإنتاج الأنسولين، بالإضافة إلى ظهور مقاومة الأنسولين.

وذكر الأطباء بزاف ديال العوامل اللي كتزيد من خطر الإصابة بأمراض الطيحال بحال: الإفراط فتناوُل الكحوليات، والتدخين، والسمنة، والتاريخ العائلي للإصابة بالتهاب الطيحال، وأشار الأخصائي لعدة عوارض تظهر عند حدوث التهاب في البنكرياس وهي: الحريق فالكرش، السخانة، ارتفاع عدد دقات القلب، الدوخة، التقية، فقدان الوزن، والبراز كيكون زيتي وعندو ربحة خايبة.

وكينصحو الأطباء بتناول كميات معتدلة من الأطعمة السكرية اللي عندها سعرات حرارية العالية، مع مراعاة فترات التوقف بين الوجبات، حيث خاص تكون 3-5 ساعات، مع الكونسيلتاسيون للطبيب فاش يحس الإنسان بحريق فكرشو