عن الفايننشال تايم ///

ميريكان موجدة مزيان لايران. الجورنال البريطاني “الفيننشال تايم” كتب باللي نزلات واشنطن للشرق الاوسط 16 قطعة بحرية و40 الف عسكري.

ووضحات باللي عند ميريكان فالشرق الاوسط 5 اجنحة من الطيران الحربي في المنطقة، كل وحدة فيها شي 70 طيارة فقواعدها بقطر والامارات والأردن والكويت والسعودية. زد على على هاد الشي جوج حاملتي طائرات: “أبراهام لينكولن” و”جيرالد فورد”.

الجورنال قال باللي كاين شي 66 طائرة أمريكية في قاعدة موفق السلطي في الأردن، بما فيها 18 طائرة من طراز “إف 35” و17 من نوع “إف 15” و8 طائرات من نوع “آ 10”. طبعا مع هاد الشي كاين طائرات التشويش الالكتروني وطائرات النقل.

وحسب نفس الجورنال راه مجموع القوات الأمريكية فالشرق الاوسط 16 سفينة حربية و2 سفن إسناد وعدد لعساكرية 40 ألف .

ترامب كيهدد ايران فحرب. شي كيقول ممكن تكون الضربة هاد السيمانا شي كيقول باللي ممكن تكون مفاوضات لان الحرب يقدر يخلص عليها ترامب غالي