كود كازا ///

علمت “كود” ان واحد من افراد العائلة الملكية قدمات شكاية للجنة المؤقتة لتسيير شؤون قطاع الصحافة والنشر. يتعلق الامر٬ وفق محامي قدم الشكاية ل”كود” ببنت اميرة معروفة٬ فضلات تمشي للمجلس الوطني للصحافة على القضاء فمقال عليها.

ماشي غير هاد الشخصية اللي كتفضل تحكيم هيئة مهنية٬ فحتى مؤسسات عسكرية قدمات شكايات على مقالات حسات باللي فيها مس ليها بحال الجدرامية.

وكان بيان للجنة المؤقتة لتسيير شؤون قطاع الصحافة والنشر كشف باللي حتى 20 مارس 2025 توصل بـ212 شكاية عندها علاقة بالأخلاقيات، وباللي تم البت ف 197 منها وهاديك 15 اللي بقات فطور المعالجة بعد مباشرة مسطرة البت فيها.

مصدر ل”كود” اكد باللي فهاد الشكايات كاين فيها غالبية المؤسسات الاعلامية.