الرئيسية > كود-تيفي > ها اللي معولين عليهم يجيبو القوانين الجديدة.. مستشار ديال التراكتور متخلف عندو سوابق فمعيور الشعب عاير هاجر الريسوني وبغا يطبق حد الزنا -صور وفيديو
19/10/2019 10:00 كود-تيفي

ها اللي معولين عليهم يجيبو القوانين الجديدة.. مستشار ديال التراكتور متخلف عندو سوابق فمعيور الشعب عاير هاجر الريسوني وبغا يطبق حد الزنا -صور وفيديو

ها اللي معولين عليهم يجيبو القوانين الجديدة.. مستشار ديال التراكتور متخلف عندو سوابق فمعيور الشعب عاير هاجر الريسوني وبغا يطبق حد الزنا -صور وفيديو

نجوى المالحي-كود//

عبد الكريم بونمر، المستشار البرلماني في الغرفة الثانية، باسم فريق الاصالة والمعاصرة، ولي عندو سوابق فمعيور الشعب ملي معجبوش الحال المغاربة يدويو على تصويرة البرلمانيين والحلويات وقال “شعب كولو معقد ومريض”، خرج البارح في تعاليق على فيديو ديال الصحافية هاجر الريسوني لي عفا عليها الملك، ودوا بطريقة متخلفة.

 

السيد بلا عكز ناض كتب تعليق على الفيديو وقال “شحال من برهوش كيظن أن معارك هاد الشعب في البرتوش”، وموقفش على هاد الحد وجاوب لي كيتناقش معاه بآية قرآنية، وكتب “الزاني والزاوية اجلدوهم كل واحد منهما 100 جلدة”.

 

 

دابا هادا لي داوي هو لي معول عليه الشعب باش يجيب قوانين متحررة وجديدة كتماشا مع مغرب 2019. كيفاش عطاتو خاطرو ونفسو يدوي ويطالب بجلد هاجر الريسوني وخطيبها. فين الحريات لي كيتقاتلو عليها الناس. عيب وعار وحشومة يكون مستشار بهاد العقلية المتخلفة.

 

وملي هو مدعشش في مخو أقل حاجة يخلي أفكارو عندو. أفكار مغاديش تزيد بالمجتمع القدام، ماعندنا مانديرو بيها.

هاجر الريسوني كتطالب بحماية الحريات الفردية

Publiée par GOUD sur Jeudi 17 octobre 2019

ملك البلاد فرح هاجر الريسوني، ولي معها، ومتتبعين ومتضاميين وناس فالمغرب . ومستشار كيجبد من جنابو ويدوي.

موضوعات أخرى