كود – عن مغرب أنتلجنس//
حسن خيار الباطرون ديال ميدي 1 حول مجموعته الإعلامية إلى وكالة سفر للمؤثرين. بهاذ العبارة الساخرة عنون موقع “مغرب أنتلجنس” مقال عن المدير العام للقناة اللي حرم الصحافيين الرياضيين ديال قناتو من تغطية المونديال وغادي بجوقة ديال المؤثرين وكاري ليهم ڤيلا ومخلص ليهم الطرونسبور والماكلة.
وأضاف التقرير، أنه عندما يدير حسن خيار مؤسسة إعلامية استراتيجية مثل المجموعة التي تجمع بين ميدي 1 راديو Médi1 و ميدي 1 تيفي، Médi1 Tv، سرعان ما كنلقاو راسنا وسط عالم من العبثية الممزوج بسوء التسيير.
وبحسب مصادر مطلعة ديال الموقع، قرر حسن خيار حرمان صحفييه الرياضيين من تغطية كأس العالم لكرة القدم الذي ينظم في قطر، حيث ستغيب الصحافيين ديال الإذاعة والقناة عن تغطية حدث عالمي كيعرف حضور المنتخب الوطني. وف المقابل حسب معلومات خاصة، خيار غادي يدي معاه تقريبا عشرة تقنيين ديال ميدي 1 تيڤي باش يصورو صحابو اللي عارض عليهم. بغى يقتل الصحافة بهاد التصرف.
وف بلاصة الصحفيين ديال القسم الرياضي، اللي اعتادوا على تغطية مثل هذه الأحداث منذ سنوات، غادي يصيفط حسن خيار جوقة ديال “المؤثرين” بحال حميد الحضري، زبير هلال، فيصل ، دكتور بوبوح ، عدنان موجة ومحمد باسو. هاذ الجوقة سعيدة الحظ غادية لقطر بيليكي. فيلا والطرونسبور والماكلة وكلشي فابور حتى التقنيين٬ حسب معطيات “كود” غادي يرسلهم ليهم السي خيار. غادي يمشي معاهم شي 10 من ناس القناة.
الدولة عارفة هاد المؤثرين لا ضرائب كيخلصوها لا محتوى مقاد كينتجوه. يعني خيار ضد الدولة مع التسيب وكيدعم التهرب الضريبي ديال هاد بنادم.
موضوعات أخرى
فيلم “Eddington” المثير للجدل سياسيًا فميريكان شعل مهرجان كان السينمائي
ف حادث مفاجئ.. نخلة طاحت على ضيوف ف مهرجان كان وسيفطات واحد لسبيطار
