كود سبور//

كايعاني كل من أنس الزنيتي وعبد الله خفيفي من الإصابة، وهذا الشي اللي مخليهم يغيبو على الفريق الأخضر، اللي قدر يربح شباب المحمدية، اليوم الاحد فتيران العربي الزاولي، بلاما يكونو وبنتيجة 3 لزيرو، برسم الدورة 15 من البطولة الاحترافية.

وسول جورنال “گود” مدرب الرجاء الرياضي حفيظ عبد الصادق على الحالة الصحية ديال كابيتان الخضرا أنس الزنيتي والمدافع عبد الله خفيفي، وقال: “الإصابة ديال أنس الزنيتي ماشي خطيرة ويقدر يكون معنا فالأسابيع اللي جايا لا هو لا عبد الله خفيفي”.

وكانت الإشاعات راجت بعد غياب أنس الزنيتي فالماتش قبل الماضي ضد اتحاد التواركة، على أنه عندو مشكل ولكن تبين أن اللاعب موعت.