كود سبور//

استقرت الحالة الصحية ديال لاعب الرجاء الرياضي محمد زريدة، اللي خرج موعت من الكلاسيكو ضد ليفار، البارح الثلاثاء فتيران العربي الزاولي برسم دوري أبطال افريقيا، وما قدرش يكمل الماتش.

وبعدما طاح محمد زريدة فتيران العربي الزاولي فالماتش ضد ليفار إثر اصطدام مع اكرم النقاش لاعب الجيش الملكي، وتنقل بشكل مستعجل للكلينيك فكازا وتدارت له الفحوصات الطبية تأكد الطاقم الطبي للرجاء الرياضي أن الحالة الصحية ديال اللاعب مستقرة، وعطاوه راحة لشي ايام باش يرتاح ومن وراها يقررو موعد العودة ديالو باش يلعب.

للإشارة فالرجاء الرياضي خسرو مع الجيش الملكي، البارح الثلاثاء بنتيجة 2 لزيزو، وهذا الشي خلى الرجاويين يطالبو بإقالة المدرب ديال الفريق، البرتغالي ريكاردو سا بينتو وبشكل عاجل بعدما لعب 7 الماتشات مع الفريق تعادل فـ5 منها وخسر 2 وما ربح حتى ماتش.